Wednesday, June 28, 2017

रुकुममा १० वटा मतदान केन्द्रका मतपेटिकाहरु अझै केन्द्रमा आईपुगेनन्

मेगराज खड्का
रुकुम १५, असार ः दोस्रो चरणमा निर्बाचन सम्पन्न भएका देशका बिभिन्न ठाउँहरुमा मतपरिणाम आउन शुरु भएपनि रुकुममा भने अझै मतगणना शुरु भएको छैन । मतदान केन्द्रहरुबाट गाउँपालिकाको केन्द्रमा मतपेटिकाहरु आईनपुगेका कारण मतगणना ढिलो भएको हो । जिल्लाका ३ गाउँपालिका मध्य केहिमा दिउसोबाट र केहिमा बेलुकाबाट मात्र मतगणना हुनसक्ने रुकुमका मुख्य निर्बाचन अधिकृत डण्डपानी शर्माले जानकारी दिए । 
उनका अनुसार रुकुमको सिस्ने गाउँपालिकाका १२ वटा मतदान केन्द्र मध्य अझै २ वटा मतदान केन्द्रको मतपेटिका गाउँपालिकाको केन्द्रमा आउन बाँकी छ । त्यस्तै पुथा उत्तरगंगा गाउँपालिकाको १५ वटा मतदान केन्द्र मध्य ७ वटा मतदान केन्द्रको र भुमे गाउँपालिकाको ११ वटा मतदान केन्द्र मध्य १ वटा मतदान केन्द्रको मतपेटिका आउन बाँकी छ । ‘सिस्ने गाउँपालिकाको सिस्ने, प्वाङ, भुमे गाउँपालिकाको चुनबाङ र पुथा उत्तरगंगा गाउँपालिकाको रन्मामैकोट लगायतका क्षेत्रबाट मतपेटिका आउन बाँकी छ’ मुख्य निर्बाचन अधिकृत शर्माले भने, ‘राजनीतिक बैठक पछि सिस्ने र भुमे गाउँपालिकाको ढिलामो आज दिउसो १ बजे र पुथा उत्तरगंगाको बेलुका सम्म मात्र मतगणना हुनसक्छ ।’ 
एउटा मतदान केन्द्रबाट गाउँपालिको केन्द्रमा पुग्न एक÷डेढ दिन सम्म समय लाग्ने भौगोलिक समस्या भएका कारण यस्तो समस्या भएको हो । दुर्गम क्षेत्रका मतपेटिकाहरु हेलिकप्टर मार्फत ल्याउने यसअघि तयारी गरिएको भएपनि मौसमी समस्याका कारण त्यो पनि संभव नभएर पैदल मार्फत मतपेटिका ल्याईदै गरिएको हो । 

0 comments:

Post a Comment

Twitter Delicious Facebook Digg Stumbleupon Favorites More

 
ईमेल-aahasanchar.weekly@gmail.com | |