सल्यान
सल्यान देवस्थल नाम्राका स्थानीयहरु पुल नहुँदा जोखिम मोलेर भेरी नदि वारपार गर्दै आइरहेको छन् । झोलुंगे पुल नुहँदा जिल्लाका दुई गाविस तथा सुर्खेतका दुई गाविसका सर्वसाधारणहरुलाई आवतजावत गर्न समस्या भएको हो ।
सल्यान देवस्थल १ नाम्रा, बामे वडा नं. ६, ७, ८ र सुर्खेत राकम गाविसको बालिखोला, गजौडा, नाडा, आग्रीगाउँ लगायतका सर्वसाधारणहरु कम्मरमा चिन्नो बोकेर आवतजावत गर्दै आइरहेको नाम्राका स्थानीय विरबल पोखरेलले जानकारी दिए । उनका अनुसार नजिक पुल नुहँदा २ घण्टा घुमेर सल्लीबजारमा पुगी जानुपर्ने बाध्यता रहेको छ । निर्वाचनको समयमा सबै राजनीतिक दलहरुले मत पाउनका लागि नाम्रामा पुल बनाइदिने आश्वासन दिने गरेको भएपनि जितेपछि नफर्किने गरेको स्थानीय गोपिलाल शर्माले बताए । नाम्रामा मात्रै ५६ घरधुरी रहेका छन भने सुर्खेतका मानिसहरु पनि यहि बाटो भएर हिड्ने गरेका छन ।
0 comments:
Post a Comment