प्रेम बिबाहले एक अर्कालाई बुझ्ने मौका दिन्छ

रुकुम मुसिकोट नगरपालिका ४ पिलनेटामा २०३८ भदौं १४ गते जन्मिएका चन्द्रबहादुर केसी सामाजिक सेवा क्षेत्रमा काम गर्न र अध्ययनमा रुचि राख्छन । त्रिभुवन बिश्वबिद्यालयबाट स्नातक सम्मको शिक्षा लिएका केसी हाल रुकुम सदरमुकाम खलंगा स्थित रिजन ट्रेडर्श मार्फत टायल तथा मार्बलको व्यवसाय गर्दछन । उनै केसी संग आहा सञ्चार साप्ताहिकको नियमित स्तम्भ आहा टकका लागि जीवन, प्रेम र दैनिकिसंग केन्द्रित रहेर सहकर्मी शुसिला गिरीले गरेको कुराकानी । 

सफलता कसरी प्राप्त गर्न सकिन्छ ?

निरन्तर मेहिनत, लगनशिलता र बिश्वासले ।

तपाईलाई के कुरासंग बढी डर लाग्छ ?

झुट अर्थात गलत संग ।

तपाईको पसलबाट समान दिनुहोस, म भोली नै रुपैयाँ दिईहाल्छु भनेर महिनौं नबुझाउने ग्राहक कति आउछन ? अनी उधारो व्यवसायलाई तपाईले कसरी लिनुहुन्छ ?

आउछन । हामी नेपालीहरु बिग्रेको झुट बोल्ने बानीले गर्दा नै हो । नेताहरु त झुट बोल्छन भने सिस्टम नभएको देशमा जसले जे गरेपनि हुन्छ जसले जे बोलेपनि हुन्छ । सित्तैमा पाएमा अलकत्रा खान पनि पछि पर्दैनन् । 

मागी, भागी र प्रेम बिबाह मध्य तपाईलाई कुन मन पर्छ र किन ?

प्रेम किनकी प्रेम बिबाहले एक अर्कालाई बुझ्ने मौका दिन्छ । 

दैनिक सबैभन्दा बढी रकम केमा खर्च गर्नुहुन्छ ?

दैनिकै भन्ने त छैन तर किताबहरु किन्ने कुरामा अली बढि रकम खर्च गर्छु । 

कुन बेला झुट बोल्नुहुन्छ ?

अफ्ठेरो परेको बेला ।

तपाईको हालसम्मकै सम्झनालायक भ्रमण ?

२०५५ साल कार्तिक महिनातिर हो । शुरुमा बस चढेर सल्यान खरिबोट देखि तुल्सीपुर सम्मको यात्रा गर्दाको भ्रमण सझना लायक छ ।

प्रेम भनेको तपाईको बुझाईमा के हो ?

शक्ति हो, जसले गर्दा हरेक काममा सफलता मिल्छ । तर बुझ्नले सकारात्मक तरिकाले बुझ्नु पर्यो ।

तपाईको बिबाह भएको दिनदेखि कति पटक श्रीमतिसंग झगडा भएको छ  ?

पटक त थाह भएन तर कहिले काँहि ठाक्कठुक्क त भईहाल्छ । श्रीमान श्रीमति झगडा परालको आगो न हो ।

तपाई कहिले र कहाँ सबैभन्दा खुसि हुनुभयो ?

२०५५ सालमा एसएलसी पास हुँदा सबैभन्दा बढी खुसि भएको थिए ।