लभ गर्ने उपाय मलाई थाहा छैन, तपाई सिकाईदिनु न

आहा टक

बुवा विनाराम खत्री र आमा वेलमता खत्रीबाट वि.सं. २०५८ साल जेठ ०८ गते आईतबारका दिन रुकुम जिल्ला मुसिकोट नगरपालिका वडा नं. २ मा जन्मेका भुवन खत्रीले २०७२ सालमा सरकारी विद्यालयबाट (ए) ग्रेडमा एस.एल.सी. पास गरेका हुन । सानै उमेरदेखि पढाईमा औधी रुची राख्ने भुवन चौतर्फी ज्ञानबाट पूर्ण छन् । समाजमा अरुको निम्ती सेवा गर्नुपर्छ भन्ने सोच बोकेका खत्री अहिले काठमाडौँमा सिभिल ओभरसियर अध्ययन गरिरहेका छन् । जीवनमा पढेर केही गर्छु भन्नेहरुका लागि उदाहरण बन्न सक्ने उनै भुवन खत्रीसँग आहा सञ्चार साप्ताहिकका लागि राम वि शाम (साधक) ले गरेको कुराकानी । 

कसरी चल्दैछ जीवन ?

सिभिल ओभरसियर पढ्दै छु त्यसो त पढाईमा व्यस्त रहेर चल्दैछ जीवन । 

सरकारी विद्यालयमा पढेको मान्छे, एक्कासी अंग्रेजी माध्यममा पढ्नुपर्दा कत्तिको अप्ठेरो महशुस गरिरहनु भएको छ ?

अलिकति अप्ठेरो त हुँदो रहेछ तर ग¥यो भने सकिदो रहेछ ।

सिभिल ओभरसियर नै पढ्नुको कारण ?

मलाई ईन्जिनियर कोर्ष मन पर्छ, त्यसमा सिभिल ओभरसियर उचित लाग्यो । 

जीवनलाई कस्तो बनाउने सोचमा हुनुहुन्छ ?

सार्थक । 

आफूलाई जन्म दिएकोमा आमाबुवा प्रति केही गुनासो छ की ?

मलाई यो धर्तीमा पाईला टेकाएकोमा आमाबुवा प्रति अत्यन्तै कृतज्ञ छु । 

फिल्म कत्तिको हेर्ने गर्नुहुन्छ ?

समय मिलेसम्म हेर्ने गर्छु । 

२४ घण्टामा मोबाईललाई कति घण्टा समय दिनुहुन्छ ?

औसतमा एक घण्टा जति । 

लभ पार्ने उपाय सिकाईदिनु न ?

लभ गर्ने उपाय मलाई थाहा छैन, तपाई सिकाईदिनु न ।

एकदिनमा कत्ति रुपैँया खर्च गर्नुहुन्छ ?

औसतमा चालिस पचास रुपैँया जति हुन्छ होला । 

नारी र पुरुषमा के फरक देख्नुहुन्छ ?

शारिरीक संरचना । 

अन्त्यमा जीवन के हो ?

जीवन एउटा मौसम हो । जो बद्लीरहन्छ ।