पैँसामा बिक्ने कुकाम आजसम्म मबाट भएको छैन

रुकुम मुरु घर भई हाल रुकुम सदमुकाम खलंगामा कानून व्यवसाय गरिरहेका रत्नबहादुर खड्कासँग आहा सञ्चार साप्ताहिकका लागि राम वि शाम (साधक) ले गरेको कुराकानी ।

आजभोलीका दिनहरु  कसरी वितिरहेका छन ?

अध्ययन, अध्यापन तथा कानून व्यवसाय सञ्चालन गरेर वितिरहेका छन ।

अध्यापन र कानून व्यवसायी पेशा एकैसाथ अंगाल्नुको अर्थ धेरै पैँसा कमाउनलाई हो ?

आफूले आर्जन गरेको ज्ञानलाई व्यवहारिक रुपमा लागु गरौँ भनेर ।

आमाबुवाले नमानेर यो पेशामा लाग्नु भाको हो रे नी  हो ?

होईन । आमाबुवाकै माया,ममता तथा योगदानले यहाँसम्म आएको छु । 

कत्तिको पर्ने गर्छ ? दाजुभाई वीच खटपट । 

पर्दैन । पहिलेदेखि हालसम्म राम्रो सम्बन्ध छ । 

जताततै सबैले विहे गर्ने गरेका देख्छौँ । खासमा मान्छेले विहे किन गर्छन होला ? 

विहे आवश्यकता हो र अधिकांशको हकमा अनिवार्यता पनि हो, त्यसैले । 

छोरीलाई अंश दिनुहुन्छ त ?

दिन्छु । छोराछोरी दुवै बराबरी ।

कालो कोट लाउने मान्छे (वकिल) त नोटमा विक्रि हुन्छन रे नी ? पैँसामा बिकेर कतिलाई अन्याय गर्नुभएको छ ?

कानून व्यवसायी पेशा भनेको सबैलाई न्याय दिलाउनका लागि हो । हामी सँधै अन्यायको विरुद्धमा लड्छौँ । पैँसामा बिक्ने कुकाम आजसम्म मबाट भएको छैन र हुँदैन पनि ।   

शिक्षकबाट कुटाई खाँदा र विद्यार्थीलाई कुटाई दिँदा कति फरक हुँदो रै छ ?

कुटाई पनि खाईएन र कुटाई पनि दिने गरेको छैन । स्कूल पढ्ने समयमा मेहनत गरेर पढ्थेँ त्यसैले कुटाई खाईएन । अहिले विद्यार्थीको रुची, चाहाना र समस्यालाई बुझेर पढाउने गरेको छु, कुटेर होईन । विद्यार्थीलाई कुटेर घोकाउनु शिक्षकको आचारण भित्र पर्दैन । 

अमेरिकाले सित्तैमा ग्रिनकार्ड उपलब्ध गरायो भने सबै पेशा छोडेर अमेरिका जानुहुन्छ ?

म जे छु ठीक छु । जतिसुकै पसिना बगाउनु परेपनि मेरै देशमा बगाउँछु, मेरै समाजमा बगाउँछु, म यही गर्छु, यसमै रमाउँछु । म अर्काको देशमा जान्न । 

२१ वर्षको उमेरमा गरेका एकएक वटा राम्रा र नराम्रा काम सम्झनु पर्दा ।

राम्रो पक्ष, त्यो उमेरमा म प्राविधिक सहायक भएर काम गरेँ र नराम्रो पक्ष, अलि म जिद्दी स्वभावको थिएँ । 

डिग्रे शाईकुमारी मन्दिरमा गएर वरदान माग्नु भएको छ की छैन ? 

मैले नराम्रो नगरौँ, कसैको अहित हुने काम नगरौँ, जीउ ज्यानको सुरक्षा होस, सँधै अरुको भलो सकियोस आदि यस्तै वरदान माग्ने गरेको छु । 

जीन्दगीमा तपाई भित्री मनदेखि हुन चाहेको ।

देश, गाउँ समाजको हितको निम्ति नेतृत्व दायि भुमिकामा पुग्नु ।

सन्तुष्टि कहाँ पाईन्छ होला ?

सन्तुष्टि आफैभित्र पाईन्छ । बाहिर खोजेर पाईने कुरा होईन । 

रुकुम जिल्ला भित्रका नाम लिनै पर्ने पाँच जना व्यक्तिहरु ।

गोपाल जीजङ शाह, कृष्णबहादुर रोकाय, मीनबहादुर पून, डिल्ली रमण खड्का र वीरबहादुर खड्का । तपाईको नजरमा जीवन के हो ?

संघर्षशिल । 

अन्त्यमा मैले सोध्न छुटाएको र तपाईले भन्न मन लागेको कुरा ।

असल व्यक्तिले आफ्नो आवश्यकताको लागि केही त गर्नेपर्छ । तर आफ्नो भन्दा अरुको हितको निम्ती योगदान दिनुपर्छ ।