गाउँले जीवन (कबिता)

कुबेर मल्ल (रोष्ट्रम)

रुँघा ९, रुकुम

हरियाली बनको स्पर्शीतामा

कोकिल न्याउलीको मधुर स्वरमा

घसिया नानीको एकहोरो आवाजमा

मार्मिकता र हार्दिकताको अनुभूतिमा

गोठालो जीवनका मार्मिक क्षणमा

बित्दै छ यो गाउँले जीवन

स्वच्छता र सार्थकताको पहिचान

भारी श्रमको उत्सर्गमा 

निश्वार्थ भावको रोदनमा

केवल साथमा खोक्रो दुख

खोजीमा दिर्घकालिन शान्ति र सुख 

साँझ बिहान छाक टार्ने आशामा

स्वर्ण प्रभातको पुर्ण भरोसामा

बित्दै छ यो गाउँले जीवन 

स्वच्छता र सार्थकताको पहिचान

मृदुभाषीको अथाहा परिबेशमा

डाँफेचरीको एकहोरो स्वरमा

मृगशावकताको नृत्य कलामा

हिमगीरी खोलानाला अनी झरणाका

लाँलीगुराँस फुलेको बनपाखामा

पष्पपुञ्जहरुको साथमा भमरा

प्रकृतिसंग मित लगाउँदै

बित्दै छ यो गाँउले जीवन

स्वच्छता र सार्थकताको पहिचान

आदर्शता र सहिष्णुताको निपुणतामा

रोदी अनी झ्याउरेको परिबेशमा

पौरख अनी सेवाभावको रवाफमा

शान्त र स्नग्दको भावमा

अनेकतामा एकताको साथमा

सदभाव र सदगुणको यर्थाततामा

बुद्धको गहकिलो सन्देशमा

बित्दै छ यो गाउँले जीवन

स्वच्छतामा र सार्थकताको पहिचान