सभासद जनार्दन र मिठ्ठुको घर घेराउ

मेगराज खड्का

रुकुम 

पछिल्लो राजनैतिक सहमतिमा रुकुमलाई दुई टुक्रा पारेर दुई प्रदेशतिर राखेको बिरोधमा आजदेखि अनिश्चितकालिन रुकुम बन्द घोषणा गरिएको छ । नागरिक समाज र रुकुम उद्योग बाणिज्य सघको सयुक्त आयोजनामा बन्दको आयोजना गरिएको हो ।

 आन्दोलन क्रमममा रुकुमका सभासद जनार्दन शर्मा र मिठ्ठु मल्लको घर घेराउ समेत गरिएको छ । बन्दका कारण रुकुमको बजार, कलकारखाना, शिक्षणसंस्था, सरकाररी तथा गैरसरकारी कार्यालय बन्द गरिएको छ । 

बन्दकर्ताहरुले अखण्ड रुकुमको माग गर्दै बजारमा चर्को नाराबाजी समेत गरेका छन । बन्द कर्ताहरुले अहिले बजारका बिभिन्न भागहरुमा बिरोधमा प्रदर्शन गरिरहेका छन । हिजो पनि रुकुम टुक्रा पारेको बिरोधमा प्रदर्शन गरिएको थियो ।