राप्ती अञ्चल अस्पतालमा अप्रेशन सहितका थप सेवा

दिपक बोहरा

दाङ

राप्ती अञ्चल अस्पताल तुलसीपुरमा अप्रेशन सेवा सुरु भएपछि बिरामीको चाप बढेको छ । अस्पतालमा हाल दैनिकजसो २ सय ५० बढी बिरामीको स्वास्थ्य चेकजाँचका साथै दुई जना भन्दा बढी बिरामीको अप्रेशन भइरहेको अस्पतालका मेडिकल सुपरिटेण्डन भोला श्रेष्ठले बताए । 

अप्रेसन सेवा शुरु नहुँदा अन्य अस्पतालमा रिफर गर्नु पर्ने बिरामीलाई अहिले राप्ती अञ्चल असपतालमै उपचार गर्ने गरिएको असपतालले जनाएको छ । अहिले टाउको, मुटु र ढाड बाहेकका अन्य बिरामीलाई असपतालले अप्रेसन गर्ने गरेको अस्पतालका मेडिकल सुपरिटेण्डन श्रेष्ठले जानकारी दिए । यहि असार १ देखि अप्रेसन सेवा शुरु भएको थियो । अपे्रसन सेवा शुरु भए देखी अहिले सम्म ३२ जना बिरामीको सफल अप्रेशन गरिएको अस्पतालले जनाएको छ ।  

यसैबिच राप्ती अञ्चल अस्पताल तुलसीपुरले आउँदो साउन महिनादेखि आइसियु सेवा र पाठेघरको मुखको क्यान्सरको उपचार समेत सुरु गरिने राप्ती अञ्चल अस्पताल तुलसीपुरले जनाएको छ ।