..अरु त कति छन खै, ६९ ले त उजुरीनै दिए

मेगराज खड्का
रुकुम

सन् २०१४ मा घरेलु हिंसाका कारण पीडित भएको भन्दै ६९ जना महिलाहरूले जिल्ला प्रहरी कार्यालय अन्तर्गतको महिला तथा बालबालिका सेवा केन्द्र रुकुममा उजुरी दर्ता गराएका छन । इन्सेक रुकुमले आईतबार सदरमुकाम खलंगामा मानव अधिकार वर्ष पुस्तक २०१४ वार्षिक पूर्व  समिक्षा कार्यक्रम यस्तो कुरा सार्बजनिक गरेको हो ।

 जिल्ला प्रतिनिधी आदर्श केसीले प्रस्तुत गरेको प्रतिबेदनमा जसमध्ये कुटपिट गरी घरनिकाला गरिएका ४३  जना, खानलाउन नदिएको ७ जना, विवाह दर्ता तथा नागरिकता नबनाइदिएको २ र अर्को श्रीमती ल्याएर हेला गरेकोमा १७ उजुरी परेका छन । मार्ने धम्की दिइएकोमा र  बोक्सीको आरोप लगाएको घटनामा भने यसपटक कुनै उजुरी नपरेको बताईएको छ ।

ती घटनामध्ये प्रहरीले ४७ घटनामा मिलापत्र गराएको र २२ उजुरीमा कानुनी प्रक्रिया अगाडि बढिरहेको केन्द्रले इन्सेकलाई जानकारी दिएको प्रतिबेदनमा उल्लेख छ । जिल्ला स्थित सबै सरोकारवालाहरु बिच सार्बजनिक उक्त प्रतिबेदनमा अन्य हत्या, बलात्कार, बलात्कार प्रयास र  यौन दुव्र्यवहार लगायतका अन्य ७ वटा घटना समेत घटेको उल्लेख गरिएको छ । जसमा हत्या २ र बाँकी बलात्कार र बालबिबाह संग सम्बन्धीत घटनाहरु छन ।