रुकुम आएर यसो भने मन्त्री सिहले

मेगराज खड्का
रुकुम
उपप्रधान एबम् संघिय मामिला तथा स्थानीय विकास मन्त्री प्रकाशमान सिंहले संबिधान निर्माणमा देखिएका समस्याहरु एक छिनमै पनि सहमति हुन सक्ने बताएका छन ।  राजनैतिक सहमति भन्ने कुरा केहि चमत्कारिक समेत हुने बताउदै समय नजिकिरहेको भएपछि तोकिएको समयमा नै संबिधान जारी हुने उनको भनाई रहेको थियो ।
खुला दिसामुक्त घोषणा कार्यक्रमका लागि रुकुम आएका मन्त्री सिहले सदरमुकाम मुसिकोट खलंगामा नेपाल पत्रकार महासंघले गरेको पत्रकार सम्मेलनमा यस्तो कुरा बताएका हुन । माघ ८ मै संबिधान बन्छ त भन्ने पत्रकारहरुको प्रश्नमा मन्त्री सिंहले तोकिएको समय नै संबिधान जारी गर्ने आषा र बिश्वासले नै छलफल अगाडि बढिरहेको बताए । ‘तोकिएको समयमा नहुने भन्ने कुरा नै छैन, तोकिएको समयमा संबिधान जारी गर्ने भनेर नै हामीले कसरत गरिरहेका छौ’ मन्त्री सिहले भने, ‘हामीले नै संभावना नदेखेको भए त दुख नै गर्ने थिएनौं नी ।’
संघियता सहितको नयाँ संबिधान जारी गर्न सबै पक्षसंग छलफल भैरहेको र सरकारले पनि मुख्य कार्यका रुपमा यसलाई लिएको उनको भनाई रहेको थियो । सकभर सहमतिमा नै गएर संबिधान जारी गर्ने तर त्यसरी पनि नभए प्रकृयामा गएर भएपनि जारी गर्नुको बिकल्प पनि नभएको उनले बताए ।