रुकुम सदरमुकाममा भेटियो बम

आहा सञ्चार संबाददाता
असोज २९ रुकुम

रुकुमको मुसिकोट खलंगामा बेवारिसे सकेट बम फेला परेको छ । सदरमुकाम खलंगा स्थित क्याम्पस रोडमा स्थानिय तिलक बहादुर बिकको जग्गामा घर निर्माणको लागी घडेरी खन्ने क्रममा उक्त बम फेला परेको प्रहरीले जानकारी दिएको छ । बम फेला परेपछि स्थानियबासीहरुले प्रहरीलाई खवर गरेका थिए । सो वेवारिसे बमलाई नेपाली सेनाको  रुकुम सल्ले स्थित देवीदल  गणको बम डिस्पोजल टोलीले सुरक्षित तरिकाले डिस्पोजल गरेको बताईएको छ ।

 बम कसले गाडेको हो भन्ने बारेमा आधिकारीक पुष्ठी नभएपनि बिगत द्धन्द्धको सममा सुरक्षा निकायले नै गाडेको हुन सक्ने अनुमान गरिएको छ । बम भेटिएको ठाउ जिल्ला प्रहरी कार्यालयले द्धन्द्धको समयमा तारवार गरेको थियो ।  देश लाइ माइन मुक्त देश घोषणा गरिएपनि रुकुममा बेला बेला बम भेटिने क्रम रोकिएको छैन ।