चौफाबजार आसपासमा सिसा तथा फोहोरमैला

डिल्ली खत्री
खोलागाउँ, रुकुम
जिल्लाको खोलागाउँ गाबिसको मुल्य  ब्यापारिक केन्द्र चौफाबजारमा सिसैसिसा तथा अन्य फोहोरहरुले भरिएको छ । ७५ धरघुरी तथा ५० बढी पसलहरु रहेको चौफाबजारका होटल तथा पसलहरुबाट निस्कने फोहोर तथा मदिसा सेवनका बोतलहरुले बजार अब्यबस्थित भएको हो । आआफ्नो पसलबाट निस्कने फोहोरलाई ब्यबस्थित गर्न निर्देशन दिईसकेको भएपनि अटेरी गरेर जथाभाबी फोहोर फालिरहेको बजार ब्यबस्थापन समितिका अध्यक्ष लक्ष्मण ओलीले जानकारी दिए । उनका अनुसार समितिको बैठक बसी निर्णय भईसकेको भएपनि कार्यन्वयन हुन सकेको छैन । जथाभाबी फोहोर फाल्नेले बजारको सुन्दरता हराउनुका साथै दुर्गन्धित भएर रोगहरुको महामारी हुन सक्ने देखिन्छ । अझै पनि यसरी बजार आसपासमा फोहोरहरु फालिएको फेला परेमा बजार ब्यबस्थापन समितिले कारबाही गर्ने समिति अध्यक्ष ओलीको भनाई रहेको छ ।