रुकुमका ४३ गाविस खुल्ला दिसामुक्त

आहा सञ्चार
रुकुम
जिल्लाको सरसफाई अभियान अन्तरगत रुकुमको सदरमुकाममा रहेको खलंगा गाविसलाई पनि खुला दिसामुक्त घोषणा गरिएको छ । ४३ गाविस रहेको जिल्लामा यस संगै सबै गाबिस खुल्ला दिसा मुक्त भएका छन ।
जिल्लाको चौखाबाङ गाबिसबाट शुरु गरिएको खुल्ला दिसामुक्त अभियान खलंगामा आएर सकिएको हो । सबै गाबिस खुल्ला दिसामुक्त भएसगै छिटै औपचारिक कार्यक्रमका बिच जिल्लालाई नै खुल्लादिसा मुक्त गाबिस घोषणा गर्ने  तयारी गरिएको  रुकुमका स्थानीय बिकास अधिकारी भरत कुमार शर्माले जानकारी दिए । उनका अनुसार क्षेत्रिय सरसफाई समन्वय समितिले जिल्लालाई अनुगमण गरे पश्चात समितिले दिएको प्रतिवेदनको आधारमा जिल्लालाई खुला दिसा मुक्त घोषणा गरिने छ ।