रुकुमकोट २० गते खुल्ला दिसामुक्त

प्रकाश ओली
रुकुमकोट
जिल्लालाई २०७१ साल जेठ २२ गते खुला दिसनमुक्त जिल्ला घोषणा गर्ने लक्ष्य अनुसार रुकुमकोट गाविसलाई पनि यहि चैत २० गते खुल्लादिशा मुक्त गाविस घोषणा गरिने भएको छ ।
शनिबार गाविस कार्यालय रुकुमकोटको आयोजनामा बसेको एक भेलाले गाविसमा ९५ प्रतिशत सौचालय निर्माण भइसकेको र बाँकि ५ प्रतिशत निर्मानाधिन रहेकोले २० गते भित्र दिसामुक्त गाविस घोषण गर्ने निर्णय गरेको हो । गाविस सचिव विरेन्द्र विष्टको अध्यक्षतामा बसेको बैठकले चैत १७ गते जिविस मार्फत अनुगमनको लागि अनुरोध गर्ने निर्णय गरेको छ । त्यस अघि अनुगनको लागि नागरिक मञ्चहरुको नेतृत्वामा ९ वटा अनुगमन समिति गठन गरी शौचालय बनाएर प्रयोग गरे नगरेको अनुगमन गर्ने, प्रयोग नगरेकालाई प्रयोग गर्ने सल्लाह दिने र यदि प्रयोग नगरी अटेर गरेमा राज्यबाट पाउने सेवा सुविधा बन्देज गर्ने लागयतका निर्णय पनि गरेको छ । त्यस्तै बैठकले गाविसलाई २१ गते छुवाछुत मुक्त गाविस घोषण गर्ने निर्णय पनि गरेको छ ।
 बैठकमा जिल्ला विकास समितिका कार्यक्रम अधिकृत चिन्तामणी दाहाल, विभिन्न पार्टीका प्रतिनिधि लगायत सरोकारवालहरुको उपस्थिति रहेको थियो ।