झुलालाई २८ गते खुल्ला दिसामुक्त

गणेश खनाल
झुला
जिल्लाको झुला गाविसलाई यहि फाल्गुण २८ गते खुल्ला दिशामुक्त घोषणा गरिने भएको छ । सरसफाईका कामहरु अन्तिम चरणमा पुगेकोले गाविसलाई २८ गते औपचारिक रुपमा खुल्ला दिशामुक्त घोषणा गर्न लागिएको गाविसको कार्यालयले बताएको छ ।

 सरसफाई अभियानका बारेमा जानकारी दिन सोमबार  गाविस स्तरिय अनुगमन टोलीले वडा नं. ९ मा शौचालय निर्माण र सरसफाईको अवस्थाका वारेमा अनुगमन समेत गरेको छ । अनुगमनमा एलजिसिडिपीका सामाजिक परिचालक लेखराज धिताल र झुला गाविस सहायक चन्द्र वहादुर विकको नेतृत्वमा अनुगमन गरिएको हो । अनुगमनको क्रममा अधिकाँश घरहरुमा शौचालय निर्माण भइसकेको र बाँकी घरमा निर्माण कार्य जारी रहेको टोलीले बताएको छ । 

गाविसका सबै वडाहरुमा २२ गतेभित्र शौचालय निर्माणको काम सकिने भएपछि गाविसलाई २८ गते खुल्ला दिशामु्क्त घोषणा गर्ने तयारी थालिएको बताइएको छ ।