नेपालमा भारु सबै नोट चल्ने

आहा सञ्चार
रुकुम
तेह्र वर्षदेखि नेपालमा प्रतिबन्ध लगाइएको भारतीय पाँच सय र एक हजार रुपैयाँ दरको नोट अब चल्ने भएको छ । आइतबार सम्पन्न नेपाल(भारत वाणिज्य सचिव स्तरीय अन्तर सरकारी समिति (आइजिसी) बैठकमा यस्तो सहमति भएको हो । प्रतिव्यक्ति २५ हजार रुपैयाँ सम्म मात्र नेपाल ल्याउन पाइने सीमा भने तोकिएको छ ।  नेपालमा २०५७ सालदेखि यी दुई ठूला दरका भारु नोट चलाउन प्रतिबन्ध लगाइएको हो । भारतमा सन् २००० मा फोरेन एक्सचेन्ज म्यानेजमेन्ट (विदेशी मुद्धा विनिमय व्यवस्थापन) ऐन आएपछि नेपालमा ठूला दरका भारु चल्न छाडेको थियो ।