गहुँवालीमा फौजी किराको प्रकोप

सञ्जोक क्षेत्री
पिपल, रुकुम
जिल्लाको पिपल गाविसको गहुँवालीमा फौजी किराको प्रकोप देखिएको छ । गएको वर्षहरुमा जस्तै यसवर्ष पनि हिउँदे वाली गहुँमा फौजी किराको प्रकोप देखिएपछि कृषकहरु चिन्तित वनेका छन् ।
२०६७/०६८ सालदेखी यस्तो किरोको प्रकोप देखिएको कृषकहरुले जानकारी दिएका छन् । किराको प्रकोप वढेपछि यसपाली गहुँवाली उत्पादनमा कमी आउने पक्का भएको पीपल ४ का हर्कबहादुर केसीले बताए । गहुँवालीमा किराको प्रकोप देखिएको कारण चिन्तित वनेका कृषकहरुले समयमै प्रकोप नियन्त्रणका लागी पहल गरिदिन सम्वन्धित निकायलाई आग्रह समेत गरेका छन् । किरा नियन्त्रणको लागि प्रयोग गरिएको औषधीको प्रभाव बर्षदिन नटिक्दा किसानहरु थप मारमा परेका छन् । दिनभर हराउने किराले रातभर गहुँ काट्ने गरेको छ ।