रुकुम महोत्सवको उद्घाटन गर्न प्रचण्ड आउने

आहा सञ्चार

रुकुम 

मध्यपश्चिम रुकुम व्यापारिक महोत्सवको तयारी तिब्र रुपमा भैरहेको छ । रुकुम उद्योग वाणिज्य संघ रुकुमको आयोजनामा आगामी फागुन १२ गतेदेखि २१ सम्म सञ्चालन हुने महोत्सवको तयारी अन्तिम चरणमा पुगेको हो । महोत्सव मुल आयोजक समितिले सदरमुकाम मुसिकोट खलंगामा पत्रकार सम्मेलन आयोजना गरि स्टल बुकिङ, प्रचारप्रसार, गेट निर्माण लगायत काम अन्तिम चरणमा पुगेको जानकारी दिएको हो । 

पहिलो पटक सञ्चालन गरिएको महोत्सवले जिल्लाको कृषि, पर्यटन, जडिबुटी तथा व्यापार प्रवद्र्धन हुने आयोजकको अपेक्षा छ । रुकुमको बराहटाकुरमा हुने महोत्सवमा हेलिकप्टरबाट रुकुमका पर्यटकीय क्षेत्रको दृश्यअवलोकन समेत गर्ने व्यवस्था मिलाइएको मुल आयोजक समिति संयोजक टेक बहादुर पुनले जानकारी दिए । बिभिन्न उपसमितिहरु गठन भएर काम तिब्र रुपमा भैरहेको र थप सहयोगका लागि सबैसंग संयोजक पुनले अनुरोध समेत गरेका थिए । आयोजक समितिका अनुसार महोत्सव उद्घाटन गर्न प्रधानमन्त्री तथा माओबादी केन्द्रका अध्यक्ष पुष्पकमल दाहाल प्रचण्ड, उर्जा मन्त्री जनार्दन शर्मा, खेलकुद मन्त्री दलजित शिर्पाली सहितका अन्य ब्यक्तित्वहरुमा आउने बताईएको छ ।