मिनीट्रक दुर्घटना हुँदा ४ लाखको गल्ला समान क्षति

तस्बिर ः दिलिप थापाको फेसबुकबाट

मेगराज खड्का

रुकुम 

रुकुमको रुकुमकोटमा एक मालबहाक मिनिट्रक दुर्घटना भएको छ । रुकुम सदरमुकाम खलंगाबाट रुकुमकोटका लागि गएको बा १ क ९४९७ नम्बरको मिनिट्रक रुकुमकोट ३ मेलाभिरबाट ३ सय मिटर तल खसेको हो । 

मिनिट्रकधनी मोबिर खड्काका अनुसार मंगलबार राती दुर्घटनामा परि मिनिट्रक पुर्ण रुपमा क्षति भएको छ भने मिनिट्रकमा रहेको करिब ४ लाखको गल्ला मालसमान पनि क्षति भएको छ । एक्कासी ब्रेकफेल भएर दुर्घटना भएको उक्त मिनिट्रकका डाईभर भने हाम फालेर बाँच्न सफल भएको बताईएको छ ।