रुकुम जिविसलाई एक लाख २५ हजार पुरस्कार

मेगराज खड्का

रुकुम १५, मंसिर ः सरकारले न्यूनतम् शर्त तथा कार्यसम्पादन मापन (एमसीपीएम) उत्तिर्ण भएका २६ जिविसलाई पुरस्कार दिने निर्णय गरेअनुसार जिल्ला विकास समिति रुकुमले एक लाख २५ हजार रुपैयाँ पुरस्कार प्राप्त गरेको छ । 

आर्थिक बर्ष ०७१÷७२ मा जिविसहरूले गरेको उत्कृष्ट कार्यसम्पादनका आधारमा संघीय मामिला तथा स्थानीय विकास मन्त्रालयले पुरस्कारको व्यवस्था गरिएको हो । रुकुम जिविस थप १५ प्रतिशत अनुदान रकम पाउने गरि ९ नम्बरमा उत्तिण भएको थियो । अंकभारका आधारमा स्थानीय निकायहरू एमसीपीएम उत्तिर्ण र अनुत्तिर्ण हुँदै आएका छन् ।