सडक डिभिजन चौरजहारीका ईन्जिनियर मृत फेला

मेगराज खड्का

रुकुम १८, साउन

सडक डिभिजन कार्यालय चौरजहारी रुकुमका ईन्जिनियर भुवन खडका मृत फेला परेका छन । गएराती खाना खाएर सुतेका ५३ वर्षिय खडका कोठामै मृतअवस्थामा फेला परेका हुन । 

चौरजहारी नगरपालिका २, घारीगाउँमा स्थित कार्यालयको क्वाटरमा बस्दै आएका खडकाको मृत्युको कारण पत्ता लागेको छैन तर उनलाई ब्लडप्रेसरको समस्या रहेको आफन्त लाई उद्धृत गर्दै ईलाका प्रहरी कार्यालय चौरजहारीले जानकारी दिएको छ । उनको स्थायी ठेगाना विरेन्द्रनगर नगरपालिका ५, चिसापानी सुर्खेत रहेको बताईएको छ । आफन्तहरु नआउदा सम्म शव नचलाउने भन्ने खवर आएकोले प्रहरीले शवको सुरक्षा गरीरहेको ईलाका प्रहरी कार्यालय चौरजहारीका सहायक प्रहरी निरिक्षक हिरा वहादुर खत्रीले जानकारी दिए । 

उनका अनुसार आफन्तहरु साँझसम्म चौरजहारी आईपुगे पछि शवको मुचुल्का उठाएर घरपरिवार लाई वुझाउने प्रहरीले वताएको छ ।