वस दुर्घटना हुँदा एक जनाको मृत्यु, दुई जना गम्भीर घाईते

ईन्द्र बहादुर बुढाथोकी

सल्यान 

सल्यानमा आईतबार विहान वस दुर्घटना हुदा एक जनाको मृत्यु भएको छ भने २ जना गम्भीर घाईते भएका छन ।  मृत्यु हुनेमा सल्यान धारापानी ७ का गाडी मालिक ३७ वर्षिय राम वहादुर खडका रहेका छन । घाईते खडकाको उपचारको क्रममा नेपालगंज स्थित शिक्षण अस्पताल कोहलपुरमा मृत्यु भएको जिल्ला प्रहरी कार्यालय सल्यानले जानकारी दिएको छ ।  कार्यालयका अनुसार अन्य घाईते हुनेमा गाडी चालक सुर्खेतका २५ वर्षिय मिलन रावत र जाजरकोट टालेगाउँका २२ वर्षिय गाडी सहचालक उमेशजंग शाह रहेका छन ।

 उनीहरुको नेपालगञ्ज शिक्षण अस्पतालमा उपचार भैरहेको छ । धारपानी वाट सल्यान सल्लीवजार तर्फ जाने क्रममा ना.४ ख ५९४४ नम्वरको गाडी देवस्थल गाविस ७ समाईलामा व्रेकफेल भएर दुर्घटना भएको प्रहरीले जानकारी दिएको छ ।  वस सडक वाट करिव २ सय मिटर तल भेरी नदिमा खसेको छ ।  वस दुर्घटना भए लगत्तै माछा मार्न गएका माझीले ईलाका प्रहरी कार्यालय सल्ली वजार लाई खवर गरेका थिए । घाईतेको टाउको हात र खुट्टमा गहिरो चोट लागेको छ । वस भेरी नदिको विचमा डुवेको छ ।