रुकुम प्रहरीले गर्यो बडा भोजको आयोजना

रुकुम २ मंसिर ः जिल्ला प्रहरी कार्यालय रुकुमले मंगलबार बडा भोजको आयोजना गरेको छ । दशै, तिहार तथा छठ पर्बको अवसरमा बडा भोजको आयोजना गरिएको प्रहरीले जानकारी दिएको छ । 

जिल्ला प्रहरी कार्यालय रुकुमको एक टोलीले खेलेको देउसी भैलोबाट संकलित रकमबाट चाडबर्षको अवसरमा सरोकारवाला निकायहरुमा निकटता र पुनमिलन गर्न भोजको आयोजना गरिएको रुकुमका प्रहरी प्रमुख गोबिन्द थपलियाले जानकारी दिए । 

कार्यक्रम जिल्ला स्थित सरकारी तथा गैरसरकारी निकायका प्रमुख तथा प्रतिनिधी, सरोकारवाला अन्य बिभिन्न निकायहरु तथा जिल्ला स्थित संचारकर्मीहरुको सहभागिता रहेको थियो ।  जिल्ला प्रहरी कार्यालय रुकुमले खेलेको देउसीभैलो कार्यक्रमबाट ७० हजार बढी रकम संकलन गरिएको बताईएको छ ।